Улуустааҕы "Ийэм, а5ам уонна мин - ааҕар дьиэ кэргэн" куонкурус

Ыам ыйын 18 күнүгэр М.И.Брызгалова аатынан Майатаа5ы оҕо библиотекатыгар Бүтүн Россия үрдүнэн бэлиэтэнэр “Библиосумерки-2022” акция, Россия норуоттарын култуурунай нэһилиэстибэлэрин, Саха сиригэр Ийэ, Саха АССР төрүттэммитэ 100, Мэңэ Хаңалас улууһугар дьиэ кэргэн бигэ туруктаах буолуутун сылларыгар анаммыт улуустаа5ы “Ийэм, а5ам уонна мин - аа5ар дьиэ кэргэн” куонкурус ыытылынна. Куонкуруска улууспут 7 аа5ар дьиэ кэргэнэ көхтөөх кыттыыны ылла.

“Дьиэ кэргэни түмэр, сомоҕолуур күүс - кинигэ”, “Мин дьиэ кэргэним реликвията”, “Мин Ийэм сааскы күн кэриэтэ”, “Чөл турук, чэбдик олох”, “Толкуйдаа. Оонньоо. Кыай” түһүмэхтэртэн турар куонкурус түмүгүнэн оҕо библиотекатын сэбиэдиссэйэ Дьяконова О.Н.; Мэңэ Хаңалас оройуонун “Сахамедстрах” филиалын салайааччыта Литвинцева С.В.; үөрэҕирии салалтатын уопсай үөрэхтээһин отделын специалиһа Дмитриева Т.М. састааптаах дьүүллүүр сүбэ быһаарыытынан “Бастың аа5ар дьиэ кэргэн” кыайыылаах аатын ыллылар Дьабыыл нэһилиэгиттэн Алира, Ирина Федотовна, Александр Анатольевич Винокуровтар.

“Биир силистээх, биир тыыннаах дьиэ кэргэн” - Ходоро нэһилиэгиттэн Аристарх, Мария Дмитриевна Антипиннар, “Бигэ тирэхтээх, чөл олохтоох дьиэ кэргэн” - Нөөрүктээйи нэһилиэгиттэн Сайаан, Мария Анатольевна, Владислав Власьевич Старостиннар, “Билии биһигэ дьиэ кэргэн” - Аллараа Бэстээх нэһилиэгиттэн Айсиэнэ, Дайаана Алексеевна Эверстовтар, “Айар куттаах дьиэ кэргэн” - Балыктаах нэһилиэгиттэн Сайнаара, Татьяна Артуровна, Игорь Игоревич Стручковтар, “Өбүгэ үгэһин утумнааччы дьиэ кэргэн” - Төңүлү нэһилиэгиттэн Мичил, Ольга Николаевна, Василий Семенович Макаровтар, “Дьиэ кэргэним - үтүө үгэстэр биһиктэрэ” - Майа нэһилиэгиттэн (И.Г.Тимофеев аатынан лицей) Лена, Елена Илларионовна Никитиннэр дьиэ кэргэттэригэр анал ааттар иңэрилиннилэр. Куонкуруһу тэрийэн ыыттылар М.И.Брызгалова аатынан Майатаа5ы оҕо библиотеката, Мэңэ Хаңалас улууһун социальнай политикатын управлениета, культура уонна духуобунай сайдыы управлениета, оройуоннааҕы үөрэҕирии управлениета, Мэңэ Хаҥаластааҕы государственнай экологическай кэтээн көрүү инспекцията, “Майа сэлиэнньэтэ” тыа сирин түөлбэтин дьаһалтата, “Сахамедстрах” медицинскэй компания Мэңэ Хаңаластаа5ы филиала. Бу үөһээ ааттаммыт тэрилтэлэр сыл ахсын сэмэй бэлэхтэри туттараннар дьиэ кэргэнинэн аа5ыыны өйүүллэр, көҕүлүүллэр.

Куонкуруска кыттыыны ылбыт бары дьиэ кэргэттэргэ М.И.Брызгалова аатынан Майатааҕы оҕо библиотекатын аатыттан барҕа махталбытын тиэрдэбит. Эһиги дьиэҕитигэр өрүү ил-эйэ эҥэрдэстин, доруобай, дьоллоох, өрүү кинигэ доҕордоох буоларгытыгар баҕарабыт.