«Оҕоҕо кинигэтэ бэлэхтээ»

А5ыйах сылтан бэттэх ыччакка куйаар ситимин киэц эйгэтиттэн кутуллар утуе да, меку да өй-санаа дьайыыта күүһүрдэ, оҕолорбут атын омук саҥатынан тылланар буоллулар. Кэмэ суох түргэтээбит кэм-кэрдии тэтимин кытта тэҥҥэ барсар дьулусхаҥҥа омук быһыытынан суураллар, ис дьиҥмитин сүтэрэр кутталбыт үөскээтэ. Онон хас биирдии нэһилиэккэ үөрэ5ирии, культура тэрилтэлэрэ, общественнай түмсүүлэр бары биир ситимҥэ киирэн сахалыы тыыннаах эйгэни тэрийэн хас биирдии ыал оҕотун сахалыы иитэригэр өйөбүл, тирэх буолуохтаахпыт.

Быйылгы сылтан Майа сэлиэнньэтин олохтоох дьаһалтата нэһилиэккэ биир кэлим сахалыы эйгэни тэрийэр Кэнсиэпсийэни ылынан былааннаах улэни са5алаата.

Кэнсиэпсийэ чэрчитинэн муус устар ый 12-17 күннэригэр ыытыллыбыт о5о уонна ыччат кинигэтин Нэдиэлэтигэр Майа олохтоох дьаһалтата уонна М.И.Брызгалова аатынан Майатаа5ы о5о библиотекатын кө5үлээһиннэринэн оҕоҕо саха өйүн-санаатын бар5а баайын иҥэрэр, дьиэ кэргэҥҥэ сахалыы тылынан ааҕыыны көҕүлүүр, төрөөбүт төрүт тылга тапталы иитэр сыаллаах «Оҕоҕо кинигэтэ бэлэхтээ» диэн акция ыытылынна.

Бу акцияҕа биирдиилээн дьон, оскуола о5олоро кылааһынан, учууталлар, иитээччилэр, тэрилтэлэр, түөлбэлэр көхтөөх кыттыыны ыланнар, оҕо библиотекатын фондатын 363 кинигэнэн хаҥаттылар. Ол курдук, Майа олохтоох дьаһалтатын баһылыга Дмитрий Тихонов, депутаттар сэбиэттэрин бэрэссэдээтэлэ Павел Судико, түөлбэни кытта улэҕэ специалист Евдокия Решетникова, олохтоох дьаһалта бары үлэһиттэрэ, депутаттара, үлэ ветераннара Марфа Алексеева, Варвара Гаврильева, Зоя Платонова, Илья, Татьяна Колосовтар дьиэ кэргэн, Дмитрий Титов сиэннэринээн Намыыналыын уонна Айыыналыын, лицей учуутала Мария Харитонова, В.П. Ларионов аатынан оскуола улэһитэ Федора Захарова, биир идэлээхтэрбит Надежда Винокурова, Галина Дьяконова, Марина Соловьева, «Сыроватскай» түөлбэттэн эдэр ыаллар Дьяконовтар, Александр, Мария Романовтар дьиэ кэргэн, В.П. Ларионов аатынан Майа орто оскуолатын 3 «а» кылааһын үөрэнээччитэ Кириллина Алена, «Арыы тыа» түөлбэ (сал. Дмитрий Титов), «Рабочай» түөлбэ (сал. Галина Колосова), «Мелиоратордар» түөлбэ (сал. Галина Федорова), «Сыроватскай» түөлбэ (сал. Варвара Филиппова), «Лесопункт» түөлбэ (сал. Марианна Афанасьева), «Лесной» түөлбэ (сал. Васианна Птицына), «Кэскил» түөлбэттэн Ирина Васильева, «Мичил» оҕону сайыннарар киин (сал. Людмила Дьяконова), М.К. Попова аат. оҕо искусствотын оскуолатын (сал. Василий Захаров), В.П. Ларионов аатынан Майа орто оскуолатын 5 «б» кылааһын (сал. Анна Степанова), 3 «в» кылааһын (сал. Прасковья Семенова), 4 «в» кылааһын (сал. Ираника Никитина), Ф.Г.Охлопков аат. Майа орто оскуолатын 3 «а» кылааһын (сал. Оксана Филиппова) кэлэктииптэрэ сахалыы тылынан кинигэлэри бэлэх уунан үүнэр көлүөнэни төрөөбүт төрүт тылынан ааҕыыга көҕүлүүр үйэлээх үтүө дьыалаҕа кыттыстылар, о5олорбут дириҥ билиилээх, сайдыылаах, үтүө дьон буола улааталларыгар олук уурдулар.

Майа сэлиэнньэтин олохтоох дьаһалтата, үөрэҕирии, культура тэрилтэлэрэ, общественнай түмсүүлэр бары биир киһи курдук күүскэ ылсан үлэлээтэхпитинэ Майабытыгар оҕону-ыччаты сахалыы иитиигэ олохсуйбут биир кэлим сахалыы эйгэ, ситим үөскүө, оҕолорбут сахалыы тылынан санааларын сайа этэр,толкуйдуур, саҥарар, ааҕар буолуохтара диэн бигэ эрэллээхпит. Майабыт дьонугар-сэргэтигэр дириҥ махталбытын тириэрдэбит.

Ольга Дьяконова, Наталья Басова,

М.И. Брызгалова аат. о5о бибилэтиэкэтин улэһиттэрэ