Новости детской библиотеки

Олунньу 12 күнүгэр М.И.Брызгалова аатынан Майатааҕы оҕо библиотеката төрөөбүт тыл уонна сурук – бичик күнүгэр аналлаах

«ТАПТЫЫР САХАМ ТЫЛЫНАН…»,өрөспүүбүлүкэтээҕи акцияҕа кыттыыны ылла. Сылын аайы ыытыллар акция быйыл онлайн былаһааккаҕа интернет ситимин нөҥүө ыытылынна. Быйылгы диктаны Мэҥэ Хаҥалас улууһун үрдүнэн уопсайа 401 оҕо толордо, сорудахтары толоруу түмүгүнэн биһиги улууспутугар 3 – 4 кылаас оҕолорун бөлөхтөрүгэр кыайыылааҕынан ааттанна Игнатьева Наина, Тыыллыма орто оскуолатын 4 кылааһын үөрэнээччитэ; 7 – 8 кылаастар бөлөхтөрүгэр кыайыыны ситистэ Павлова Кыталыына, Алтан орто оскуолатын 7 кылааһын үөрэнээччитэ. Кыайыылаахтары уонна акция бары кыттыылаахтарын оҕо библиотекатын аатыттан эҕэрдэлиибит!

Маны тэҥэ библиотека ааҕар саалатыгар И.Г.Тимофеев аатынан Майа лицейын 10 кылааһын үөрэнээччилэригэр "Илбистээх ийэ тылым" төрөөбүт тыл уонна сурук-бичик күнүгэр аналлах бэсиэдэ уонна интеллектуальнай брейн-ринг оонньуу ыытылынна.